Көрмеде ұлт руханиятының алып тұлғасы Жамбыл Жабаевтың өнегелі өмір жолы мен мол әдеби мұрасын айшықтайтын құнды деректер мен сирек материалдар топтастырылған. Фотосуреттерде ақынның белгілі қаламгерлермен, мәдениет пен өнер қайраткерлерімен жүздескен сәттері, айтыс өнеріндегі дара шеберлігі, Мәскеуде өткен Қазақ өнерінің онкүндігіне қатысуы, сондай-ақ ел құрметіне бөленіп, марапатталған кезеңдері көрініс тапқан.