2025 жылғы 21 қаңтарда Шығыс Қазақстан облыстық тарихи-өлкетану музейінде өткен оқушылар арасындағы интеллектуалдық викторина-куиз сәтті аяқталды.

Іс-шара жоғары деңгейде ұйымдастырылып, қатысушылар мен қонақтарға ерекше әсер қалдырды.

Викторина барысында оқушылар өңірдің тарихы мен мәдениетіне қатысты қызықты сұрақтарға жауап беріп, танымдық қабілеттерін көрсетті. Шығармашылық ойлау мен білімге деген құштарлықтарын байқатқан
қатысушылар белсенділік танытты.

Іс-шараның қорытындысында жеңімпаздар мен белсенді қатысушылар тартымды сыйлықтармен марапатталды. Мұндай шаралар болашақта да өңірдің тарихи және мәдени мұрасын дәріптеуге ықпал ететініне сенімдіміз.